郭羨妮和馬浚偉曾傳緋聞而鬧不和，雙方關係疏遠，不過近年似乎有所改善，兩人昨日出席劇集《隔離七日情》開廠拜神時攬頭攬頸，表現友好，他們表示因為一次的傾談，冰釋了這個10年前的誤會。
馬浚偉、郭羨妮、呂慧儀和鄧健泓昨日出席無綫劇集《隔離七日情》在電視城的開廠拜神，馬仔表示劇中先後與郭羨妮、呂慧儀和何綺雲有親熱戲，算是拍劇以來的第一次。他大讚其中一場被郭羨妮騎着按摩的戲，郭羨妮聽到即加入話題，談到激咀場面時，她笑說：「佢好似吸盤吸住我，不過因為時間好短，所以未有感覺已經拍完。」
問到兩人會否擔心緋聞再現時，馬仔說：「我哋家已經做番好朋友，我哋上兩個月齊齊去新加坡登台，第一次坐低傾番呢件事，發覺當年因為有小人喺中間搞事，搞到嬲咗大家，家已經化解咗呢個10年誤會，大家係好好好朋友。」問到當年發展的機會，馬仔說：「我諗一定要有好感先可以做朋友，不過嗰件事發生咗之後，好似一盆冷水淋落嚟，家我哋係好朋友，佢成日見到我都問我幾時結婚。」
另外，鄧健泓重提當日與《勁歌》監製麥鎮東吃飯，他說：「飯局其實係09年發生，嗰日仲有曾志偉在場，我哋都係傾《勁歌》總選主持嘅事。」對於有指無綫清除志雲黨，他說：「家啲人都會咁講，但係我冇乜點去了解，我同無綫嘅經理人合約去到2011年，我冇擔心過將來係點，但係人生唔係得一個娛樂圈，將來發生都唔會有大問題。」馬仔則表示一切如常。此外，鄭欣宜被問有否與狄娜兒子馬天如聯絡，她說：「我好耐之前有問過佢，佢話會有儀式，但係佢知我有嘢做，所以叫我唔得閒可以唔嚟，因為佢哋都想低調啲，之後我哋再冇聯絡。」
from:
http://hk.apple.nextmedia ... art_id=13922156
