林海峰（Jan）將於澳門演出「林海峰是但噏我願意」棟篤笑騷，昨日Jan在澳門舉行記者會，屆時棟篤騷開始前，先由中國雜技團表演。問Jan澳門騷和之前在香港的有否分別？他笑言：「如果相同會俾人投訴，但唔同又會話我貨不對辦，所以會攞個平衡。」問會否以熱爆的「Sa基戀之婚完又分」做話題？Jan說：「有啲題目係唔講得喎，因為我今次都係以婚禮同承諾做題目。」
今次好拍檔葛民輝也會擔任嘉賓，Jan笑說：「佢話會表演吞波仔，佢幫我做咗咁多場嘉賓，證明佢健康冇問題。」提到有中國雜技團演出，會否感到壓力？Jan竟用到賭王何鴻燊千金超欣的金句說：「總之加到場我已好滿足，正如超欣話我想有嘅都已經有。」
from:
http://hk.apple.nextmedia ... art_id=13922098
