Angelababy 暗語冧黃曉明[face週刊]

自從同新舞王陳偉霆（William）分手，即傳Angelababy（楊穎）極速搭上內地一哥黃曉明，甚至傳Baby為咗冧掂曉明哥而秘密升「cup」。Baby表面上唔肯認拍拖，但就開口埋口都提起黃曉明，早前又讚佢「好靚仔、演技又好，係女仔都鍾意
Baby 讚出面，黃曉明亦相當識做，2月時趁Baby 21歲生日，專程做人肉速遞秘密來港同女友慶祝，雖然Baby事後例牌唔認，但熱戀中嘅Baby始終忍唔住，FBI就發現佢喺上星期三（31日）喺微博爆響口：「早上被我的海綿蛋糕叫醒，趕去工作，腦袋空空的，懷念那一份激情，懷念心跳加速的感覺，懷念生日會上的那首歌……」
FBI叮一聲，諗諗吓「海綿蛋糕」發音咁似「曉明大哥」嘅，Baby仲講明生日會上「那首歌」，仲唔係講緊黃曉明？得喇，FBI知你哋熱戀熱辣辣喇！


我就係海綿寶寶！設計對白


Baby嘅微博有成5萬幾個粉絲，算唔錯喇！
改明哥花名

Baby多次提到「海綿蛋糕」，發音同「曉明大哥」非常相似，好易令人諗起黃曉明喎！

冇眼睇你哋！設計對白
Baby喺微博開口講明「海綿蛋糕」屬於佢，相信陳偉霆都冇眼睇。

′09 A Cup Baby
Baby被人話為咗冧掂曉明哥而秘密升cup。上星期出席活動，上圍谷到「行」嘅Baby回應Sa基離婚時，堅決否認自己係第三者。梗係啦，Baby已經有身家過億嘅曉明大哥，點會貪戀「空心基」呀？
一星期跑3場騷，身驕肉貴嘅Baby上星期四出席日牌Duras Ambient開鋪酒會時都有經理人Kim（右二）同助手（右一）mark實，話好彩當年冇將男友名紋上身，擺明唔放William在眼內。

30/3狂電老闆:出席日本料理開幕，Baby向老闆勁放電，不過FBI留意到Baby額頭勁多暗瘡，咪掛住放電，好好keep吓啦！