趙碩之、江若琳、林莉、周倩圯前晚出席Harvey Nichols時裝活動，趙碩之谷胸上陣，成為全場焦點，她說：「條裙個碼大咗，要束緊，所以身材勁咗，都有nude bra打底，擺甫士要含蓄啲。」
早前趙碩之預告將會於下一本寫真集騷她於私處紋身，她說：「係之前去泰國旅行時興起紋嘅，紋咗泰文平安同健康，紋身時都尷尬因為係男師傅紋嘅，不過唔係情侶紋身。」問她為何紋身，她無厘頭說：「為咗健康理由，唔知係咪入咗行着啲衫性感，怕自己凍親，祝福自己，唉吔！我媽咪唔知我有紋身o架。」會不會以私處紋身或全裸上陣惡鬥周秀娜？「大家到時就知，現時保持神秘。」
同場的江若琳笑言自知身材輸蝕，而真空上陣的周倩圯則表示滿意自己身材，她說：「喺自己朋友堆中我身材算勁，但都想知道點可以升cup，喺歐洲好多勁model都冇胸，我都滿足現狀，我覺得唔戴bra會free啲。」
from:
http://hk.apple.nextmedia ... art_id=13916363
