Angelababy（楊穎）緋聞旺到不得了，繼被指介入鄭中基與蔡卓妍（阿Sa）的婚姻後，又被指於北京夜會黃曉明。Baby昨日承認有為緋聞致電黃曉明，並轉口風表態感情事順其自然，更開口大讚黃曉明靚仔條件好，與他「OK夾」。
人氣女模Angelababy與同門師姊熊黛林昨日在灣仔，為日本料理食肆擔任剪綵嘉賓，出席的還有Rosemary、唐貝詩、唐貝欣姊妹和賈曉晨等。身穿Topshop連身裙的Baby，剛否認是Sa基婚姻第三者後，卻再被指到北京偷會緋聞男友黃曉明，她對此如常否認。
Baby笑着說：「之前去上海工作，冇去過佢哋講嗰間北京酒吧，所以有啲莫名其妙，係咪間酒吧想宣傳。」有否為此事與黃曉明聯絡，她說：「有，我哋係朋友，前日都有打電話畀佢，呢啲事順其自然。」
記者笑Baby與黃曉明十分熟絡，她解釋：「對上一次見佢都係上年嘅事，熟啲好正常，之前都會約一班朋友食飯。」問與黃曉明有否發展機會，她甜笑說：「我好忙，佢冇追我，我感覺唔到。」記者笑言男方條件十分適合Baby，她說：「好，佢靚仔，好多女仔都好鍾意佢。」
習慣分隔兩地
至於與黃曉明夾嗎？Baby說：「咁問好驚，都OK夾，佢同我經理人Kim同月同日出世。」若拍拖會否擔心分隔兩地，她說：「冇諗過，平時喺香港搵男友都係成日要飛嚟飛去。」
from:
http://hk.apple.nextmedia ... art_id=13879457
