女星梁靖琪（Toby）昨日駕車時疑輾傷電單車司機，該司機更負傷駕電單車追着Toby座駕，由紅磡經海底隧道追至銅鑼灣百德新街，再苦候Toby半小時要求當面對質。Toby除即時報警，更向身為無綫總監（戲劇製作）的父親梁家樹備案。
Toby昨日下午四時，駕駛其Mini Cooper座駕，經紅磡海底隧道由九龍過海前往銅鑼灣準備出席BALLY活動，駛至紅隧收費廣場附近，因現場車多擠塞，Toby座駕只能時行時停慢駛準備排隊過海。
尾隨過海留守車旁突然，一名駕駛掛有P牌電單車的男子敲打Toby座駕車窗，對她說：「你轆親我隻腳呀！」Toby未有為意座駕輾到異物，便說：「我唔知你受傷，我依家趕住去做嘢。」但男子聽罷尾隨Toby座駕，Toby將車駛到銅鑼灣百德新街泊好，步行前往活動場地，該男子則連人帶電單車留守在Mini Cooper側。
半小時後，Toby完成活動後前往取車，該男子即上前與Toby理論，最後報警處理。交通警到場向雙方錄取口供，並替Toby進行酒精呼氣測試（吹波波），並召來救傷車將報稱受傷的男子送院檢查。由於要等候對方的驗傷報告，Toby稍後需要再到警署。據悉該男子任職輔警。
猶有餘悸向父備案Toby昨晚在電話中講述事件時仍猶有餘悸：「落完口供我仲要趕入將軍澳電視城為新劇《團圓》開工，爸爸梁家樹冇鬧我，佢知我已經好驚，如果再鬧我，我肯定會喊出嚟，其實依家我都仲好驚，心情好忐忑，我覺得自己冇做錯，因為我真係感覺唔到有車到對方隻腳。」Toby續說：「事發後我都有問對方痛唔痛？有冇流血？行唔行到？佢話腳痛，係我主動開聲話報警。成件事發生得太突然，我有啲空白一片，但會配合警方調查。」
