32F台灣童顏巨乳瑤瑤郭書瑤上年宣傳新碟時，男友劉建忠因為跟出跟入做柴可夫而俾人踢爆戀情，後來佢哋仲俾人見到喺快餐店熱吻。點知瑤瑤轉唱片公司後，有人話瑤瑤新公司唔鍾意佢拍拖，專登派人接送佢出入，盡量唔畀機會瑤瑤同男友接觸，加上佢成日飛外地工作，同男友聚少離多，於是近日傳出佢哋農曆年前已分手，仲話瑤瑤因為咁成日悶悶不樂㖭！
噚日瑤瑤喺台北出席活動同fans玩愛的抱抱遊戲，被問到有冇唔捨得呢段感情，佢淡淡然咁話：「我不是那種非要不可的女生，因為我才19歲。」為事業捨愛情係咪值得呢？瑤瑤話：「把握工作機會比較重要。」
至於劉建忠嗰方面，佢被問到係咪被迫分手，佢諗一諗先話：「她們公司說甚麼就是甚麼。」佢仲否認曾經同瑤瑤拍過拖，話雙方只係好朋友。乜好朋友都可以錫錫o架咩？劉建忠話：「可以啊，有些朋友就可以啊！」瑤瑤所屬種子音樂發言人就話：「瑤瑤感情跟工作分得很清楚，這幾年她是想要以工作為主。」又難怪嘅，逐漸封奶嘅瑤瑤受歡迎程度慢慢下滑，喺台灣主持節目收視麻麻，不過如果係為挽頹勢斬情絲嚟重拾喺宅男心中地位嘅話，應該係解除封奶行動，包保效果好好多啦！
