蔡卓妍（阿Sa）上周高調宣佈與拍拖六年的鄭中基（Ronald）分手，有指Ronald花弗且被阿Sa在房中找到女性比堅尼才致分手。前晚阿Sa挺身為Ronald澄清，怒罵其老闆楊受成旗下的雜誌亂寫很過份，又力撐Ronald專一不花弗。
蔡卓妍和鄭中基上周宣佈結束六年情後，有指分手原因是Ronald花弗，更有雜誌報道指阿Sa在男友房中找到不屬於自己的比堅尼，在電腦又發現女性比堅尼照，又謂Ronald搭上美女廚房的美味天使，才決定分手。前晚阿Sa、梁政珏、李曼筠和高海寧在銅鑼灣宣傳《美麗密令》，見阿Sa玩遊戲時笑容滿面，心情似未受影響。
阿Sa接受訪問時談到有報道指她在Ronald房中找到比堅尼泳衣時，阿Sa說：「邊本呀？我啱啱返嚟。」得悉是其老闆楊受成旗下雜誌時，阿Sa不畀面怒罵道：「要講嘅已經講晒，我哋係和平分手，唔牽涉任何傳聞，佢唔係啲咁嘅人。我知道件事好嬲，我哋從來未試過有第三者，其實我哋分咗手，點解仲寫咁多嘢去傷害我哋。」有否在Ronald電腦找到美女比堅尼照？阿Sa激動說：「冇啲咁嘅事，本雜誌咁寫好過份。」
阿Sa又謂要替Ronald澄清他絕不是花弗的人，她說：「佢唔係咁嘅人，佢好專一。」她表示為此感到困擾，不想再回答相關問題，知否Ronald也困擾？阿Sa說：「一定會囉，俾人咁樣寫。」前男友被抹黑會否心痛？阿Sa說：「會受傷，已經係件唔開心嘅事，仲要俾人評頭品足。」她表示兩人仍是朋友，即使再合作也不尷尬。有指阿Sa欲上位做天后才放棄感情，她說：「我唔想再講，係兩個人嘅嘢，又唔係同全世界嘅人拍拖。」
阿Sa昨日又與吳君如在尖沙嘴出席「預防子宮頸癌」活動，表示支持Ronald控告雜誌，但該雜誌屬楊受成旗下，阿Sa說：「唔係分開咩，我係藝員部，如果佢決定要告，我會支持，我覺得內容唔屬實，睇完好嬲。」會否願意上庭做證人？阿Sa說：「到時先算。」另有報道指阿Sa與Ronald在06年於洛杉磯的教堂行禮但沒註冊，阿Sa堅拒回應。有指Twins下月演唱會的信用卡訂票反應不理想，阿Sa否認道：「頭兩場爆晒先加一場，我哋傾緊再開多幾場，我自己飛債都未還晒。」
from:
http://hk.apple.nextmedia ... art_id=13862152
