無綫因為廉署連日在將軍澳電視廣播城調查而實施封城行動，新劇《隔離7日情》的造型活動移師到將軍澳的酒樓內舉行，演員馬浚偉、呂慧儀、黃宗澤和郭羨妮等人均有出席。因為陳志雲涉及貪污，繼而爆出有藝人為討好高層而送名牌袋一事，呂慧儀說：「我係有送生日禮物畀樂小姐，不過係屬於實用嘢，貴唔貴就見仁見智。」
黃宗澤亦否認試過送名牌袋給高層，他說：「通常大時大節我會送香檳畀同事，冇話送袋咁誇張。」郭羨妮亦表示向來只會實事求是地工作。此外，對於有指寧進有份參與《隔》劇，監製梁材遠說：「一直都冇搵過同接觸過佢，以前我哋曾經合作，但冇人推薦佢，只係啱就搵佢做。」至於有否試過有藝員送禮，材叔說：「咁我咁好彩又未試過喎！」
from:
http://hk.apple.nextmedia.com/te ...462&art_id=13828157
