鄺美雲遭洋總裁狂追「唔鍾意食德國豬手」

鄺美雲（Cally）前日在上海出席護膚品代言記者會，獲護膚品牌的德國總裁大讚可愛，還謂若可做她男友就最好，後來更欲親吻Cally，但卻慘食檸檬，Cally笑言不愛吃德國豬手，加上其前男友李念緯也到賀，認真熱鬧。

鄺美雲前日以代言人身份到上海香格里拉酒店出席德國護膚品牌利芙?記者會，原來該品牌的德國總裁、52歲的Armin Dick，有意力追48歲的Cally，除斥資7位數字請她任代言人，還在上海外灘名店為她舉辦15日大型展覽會，展示Cally由小到大的美好時刻照片及登台歌衫，播她的MV，還有如人般大的Cash公仔。Cally在記者會後便到展覽會剪綵，其前男友李念緯也有到賀，加上常被誤會是男友的弟弟鄺永信也有到場，可謂新歡舊愛、真假男友共冶一爐，但最殷勤的當然是Armin。



拒被親吻
Armin在記者會上已對Cally相當體貼，親自迎接她上台，又為她拉凳，二人落台後仍不停密密傾，合照時Armin又趁機攬着Cally腰肢。在展覽會上，Armin又全程傍實，後來晚飯慶功時合照，Armin更欲親吻Cally面頰，但慘遭Cally一句：「No！」拒絕，然後背對着他拍照。
事後Armin大讚Cally是可愛女人，並表明盼可做她的男朋友，又大讚Cally廚藝一流。Cally得悉後笑說：「梗係我好先搵我做代言人，當然都要佢哋啲產品好正我先肯做。」

無暇戀愛
Cally自言是保守中國人，只會找中國人做伴侶，又笑說：「我唔鍾意食德國豬手，做朋友就得，但佢係好人。」問她變漂亮後，是否多了狂蜂浪蝶？Cally說：「有一啲啲啦，不過永遠最愛我嘅係阿Cash。其實家生活好開心又好忙，我諗冇男人頂得順我咁忙。」

from:http://hk.apple.nextmedia ... art_id=13804125

近年甚少拍廣告的鄺美雲（Cally）最近以七位數字出任德國護膚品牌Refoderm的生招牌，前日Cally出席品牌在上海舉行上市發布會，又為外灘名店舉行的「美之傳奇」展覽會揭幕。今次展覽會將Cally人生的輝煌成績，如當選香港小姐及建校等事迹展示人前，Cally特別邀請了廿多位親友包團見證。

舊愛現身支持

而出席的好友中，包括曾與她拍拖的舊愛牙醫李念緯及早前被雜誌拍到與Cally影親密照的中年男士。除了這兩位男士外，跟Cally合作的新工作夥伴，52歲德國籍的總裁Armin Dick全程細心照顧Cally兼向她大獻殷勤，又笑言有機會會約會Cally，在慶功宴上更欲一親香澤吻賀伊人，可惜被Cally笑住拒絕。


對於新歡舊愛共冶一爐，Cally笑說：「李醫生係我特登邀請上嚟，而雜誌影嗰個係我親細佬。（德國總裁鍾意你喎！）成team人都鍾意我，佢梗係覺得我好至搵我啦，（佢話有機會會約你！）有date過啦，不過係一班人，佢嚟過我屋企食飯，試過我嘅手勢，（點解拒絕？張曼玉都有個德國男友！）我唔係張曼玉係鄺美雲，我係中國人，比較保守，未同老外拍過拖，亞洲人就試得多。」

問Cally近日有沒有狂蜂浪蝶追求？Cally說：「我要求好高，不過依家唔將呢啲擺上心，我好忙，如果有男友，相信佢忍受唔到我咁忙，我畀唔到安全感佢。」