黃曉明撇女曠工送花佔領Angelababy[一週刊]

二月廿八日（星期日），是Angelababy二十一歲生日。
同陳偉霆（William）分手，將他貶為甚少聯絡的普通朋友關係後，Baby先後與黃曉明、周杰倫、林孝賢同日本Avex老闆松浦勝人傳過緋聞。
當中以黃曉明追得最大力！據知兩人於去年八月在北京K局邂逅，黃曉明對Baby一見鍾情，更即時撇甩大陸女model，晚晚長途電話，又越洋送花；Baby二十一歲生日當天，原本在橫店拍電影的他，更曠工專程飛到香港，同Baby慶祝，冧到Baby暈晒大浪。

撇記者
Angelababy廿一歲生日，百多位fans在酒店為壽星女舉行校服派對慶祝，Baby以一身學生妹造型出現，經理人阿Kim更派出兩名鬼仔model，向Baby送上birthday kiss，搞到既驚且喜的她出晒汗。
出席完校服派對，Baby乘坐公司保母車返回翔龍灣寓所，不過她並不如平時般在大廈門外落車，反而吩咐司機將車駛入停車場，令一直跟着她的記者無法再跟下去。
十五分鐘後，保母車拉晒窗簾離開；由於無法肯定Baby是否在車內，大批記者於是繼續死跟，而保母車就不停兜路，帶大家遊花園。兜了大半個鐘，始發現中了調虎離山計，Baby根本不在車內，而她亦趁這段真空時間，轉乘其他車輛離開，成功撇甩追踪。

農曆新年期間，有傳Baby到上海偷會黃曉明，輪到Baby生日，黃曉明曠工速遞自己來港。

27/2放蚊
連拍十二個鐘頭通宵戲，黃曉明攰到經常打喊露。

傳短訊
拍攝中，黃曉明頻頻攞出iphone send短訊，一路send一路笑吟吟。

嗒嘢
心情靚爆的黃曉明嗒到Baby之餘，仲在片場擘大口狂嗒生果。

電話傳情
與此同時，身在橫店拍攝《唐伯虎點秋香2》的黃曉明，廿七號晚直踩十二個鐘拍通宵戲，未能陪Baby倒數迎接廿一歲生日。但見他在片場經常用iPhone傳短訊、傾電話，隔空同Baby傳情；而每次傾完電話，他都表現得十分開心，流露出一副笑吟吟模樣，非常風騷。
而原本在廿八日需要開夜班的黃曉明，為了來港氹女，竟然在當日上午通知劇組稱有急事要離組去香港，但由於當晚所有場口都需要有黃曉明在場，劇組被迫放假，令原本已超時超支的《唐》片，一再受阻。
花了半日時間，由橫店坐車到寧波，然後飛深圳再坐車來港，黃曉明幾經轉折，目的只為陪Baby慶祝生日。
事後，Baby與熊黛林出席護膚品活動，雖然自爆收到九十九支玫瑰同Mac機電腦等生日禮物，但問到是否黃曉明所送，她亦堅持笑而不答，至於陳偉霆則沒有送禮賀舊愛。

同一時間Baby就與熊黛林出席公司春茗活動。
踏入十二點正日生日，Baby與朋友去到九龍城食糖水切生日蛋糕慶祝。

越洋送花
為了討女友歡心，黃曉明寧願拆招牌曠工，用心良苦。其實自去年八月在K局認識Baby後，他便使出連環攻勢狂追，首先即撇只來往了一段短時間的大陸女model藍銀玲，以示自己單身，隔山打牛，黃曉明唯有用電話陪Baby傾心事，由於女方經常大陸、香港、日本周圍飛，所以單單長途電話費，最高峰一個月超過十萬，一啲唔覺肉痛。
兩人分隔異地，又各有各忙，雖然少有機會見到面，但一樣難唔到黃曉明。據知，他每隔幾日便會命人越洋送花，無論Baby在日本定香港，都總會收到花。
而每逢Baby到大陸工作，黃曉明都會搵機會去現場，爭取見面機會。去年九月，Baby在北京拍攝電影《全城熱戀熱辣辣》，黃曉明都專登抽時間飛到北京探Baby班，令女方大為感動。

去年Baby在北京拍《全城熱戀熱辣辣》期間，黃曉明亦有到北京探班。

28/2:在生日會上，經理人安排兩名鬼仔向Baby獻上Birthday Kiss，但Baby尷尬多過受落。

當被記者問到有關黃曉明的問題，Baby忍唔住由心笑出來。
為了偷會黃曉明，Baby使出調虎離山計，用空車帶記者遊花園，成功撇甩記者。

陳偉霆提分手
「黃曉明真係追得合時，如果Baby同William（陳偉霆）仲係好好嘅時候，相信黃曉明都幾難得手，但自從Baby去咗日本發展，又要返大陸拍戲，佢同William個距離越來越遠；加上大家冇乜時間見面，感情慢慢變淡，到後期兩個人都已經冇話題，William又覺得Baby成日都陪唔到佢，有女友等於冇女友，有一日頂唔順嗌交，佢就同Baby提出分手。黃曉明又咁啱喺呢段時間出現，所以Baby好快就接受咗。」Baby好友說。
Baby與黃曉明打得火熱，但為保事業，兩人堅持唔認拍拖，Baby更講到明，就算有拍拖都會講冇，「就算有（拍拖）都唔會講，講出嚟大家就會吼實，咁會好大壓力，所以要保密！」唔認拍拖，但提到黃曉明時，她一樣忍唔住出口讚：「個個女仔都鍾意黃曉明，我都鍾意o架！」

黃曉明的舊女友藍銀玲亦同樣是model，但認識了Baby後，黃曉明即速撇舊女友。

Baby與陳偉霆拍拖6年，不斷傳出離離合合，但拍拖期間，二人各有各忙，陳偉霆最終頂唔順提出分手。
Baby出席活動時被問到黃曉明有否陪過生日，Baby表示唔希望炒作緋聞，言談間顯得相當避忌。


上年聖誕節，Baby於Blog內上載了一張相片，影着一束粉紅色的玫瑰花，據知，該束玫瑰正是黃曉明送給Baby的。

唔索唔食
入行九年，黃曉明歎盡圈中花旦名模，最鍾意與同劇演員戲假情真，絕對係食家。

秦嵐
拍《還珠格格3》，與內地花旦秦嵐傳出緋聞，後來更大方半公開戀情，但拍拖三年宣布分手。
李菲兒、應采兒、胡可
拍《鹿鼎記》期間，先後與劇中老婆李菲兒、應采兒、胡可傳緋聞，之後，黃曉明大方與應采兒拍廣告搵真銀，借緋聞提高知名度。

趙薇
在北京電影學院求學期間，暗戀同屆同學趙薇，傳女方當時情傾陳坤，令黃曉明初戀失敗。

劉亦菲
黃曉明接拍成名作《神鵰俠侶》，傳與女主角劉亦菲假戲真做，日對夜對拍出真感情。

白歆惠
黃曉明進軍樂壇，找來台灣名模白歆惠拍MV《暗戀》，二人更一撻即着，被發現在北京偷會。

安以軒
早年合作大陸劇《大漢天子3》，與新進台灣花旦安以軒傳緋聞，更傳她介入黃曉明與秦嵐的戀情，去年二人再合作台劇《泡沫之夏》，早前黃曉明到台灣，便與安以軒唱K敍舊。
愈傳愈富貴
剛度過21歲生日的Angelababy，緋聞男友數量愈來愈多，身份地位荷包更一個比一個提升，有比較之下，陳偉霆算係最「霉」！

陳偉霆
識於微時，合作主持迪士尼節目撻着，Angelababy成為o靚模界新貴後，一身好舞功的William，反過來要靠女友提高知名度。兩人曾以情侶檔搵真銀，但卻敵不過聚少離多，結束六年情！


James Parry
到巴黎拍攝寫真期間，傳與老外傾偈傾到入酒店房，正印男友William為綠帽疑雲大發雷霆，原來「第三者」老外是Baby公司師弟James Parry。


房祖名
成龍乖仔房祖名到日本宣傳電影《花木蘭》，知道Angelababy同樣身在日本，於是相約食飯而傳出緋聞。

林孝賢
傳林建岳長子林孝賢，主動出擊飛去日本陪Angelababy過聖誕，可惜遭女方請食檸檬，追女大失敗。
Avex社長松浦勝
傳被日本Avex社長松浦勝力追，更被發現「挨身挨勢」親密合照，Angelababy回應時特別勞氣：「好過分，簽咗Avex後，我前後見過老闆唔超過五次，我好尊敬佢，我係好踏實嘅人，唔使黐老細。」

黃曉明
去年十一月尾，傳Angelababy同黃曉明跟大班朋友到北京唱K，其間，二人突然失蹤兩小時。身家過億人民幣的黃曉明，鍾情搵模特兒做女朋友，Angelababy正合佢胃口。