周杰倫入行到家為止，緋聞都未停過，佢嘅緋聞女友計計埋埋一大籮，不過除咗大家熟識嘅侯佩岑、蔡依林同江語晨外，原來佢98年仲識咗個酒廊女歌手吳佩珊。吳佩珊曾於03年以組合形式出過唱片，3年前喺台灣綜藝節目《康熙來了》爆料自稱被周杰倫背着女友力追，最近接受訪問就再爆料話自己16歲時將初夜獻咗畀當年18歲嘅周杰倫。
闖樂壇炒舊事放大圖片
吳
現年28歲嘅吳佩珊近排參加中視《金曲超級星》，希望再闖樂壇，令呢單秘聞再成為焦點，佢舊事重提仲加足料，但佢噚日為避記者冇開手機，佢經理人瓊懿就話：「我們沒刻意要炒作，她今天心情不太好，沒料到單純的報道可以變成這樣。」瓊懿否認當年同吳佩珊爭周杰倫嘅係歌手溫嵐，曾係三人經理人嘅吳宗憲噚日就話唔知道當中內情。
超出追究期限放大圖片
吳佩珊自爆未成年同周杰倫發生性行為，根據台灣律師張景源話，99年立法院修改過同未成年少女發生關係嘅法例，翌年1月1日起生效，如果案發時間喺舊例期間，當事人又想追究，就必須喺6個月內提出訴訟，逾期就唔受理。對於此事周杰倫所屬杰威爾公司表示唔回應，周杰倫今日會喺台灣出席活動。近日被傳同佢舊情復熾嘅蔡依林，就話唔識吳佩珊，所以都冇回應，溫嵐就話：「我沒看報紙，不知道發生甚麼事呀。」
