今日21歲生日的Angelababy，昨日在海港城出席「朱古力美術館」活動，她謂開心大個女可以入拉斯維加斯賭城玩，問她想要甚麼禮物？她即說：「冇特別，希望3月尾放一個星期假。」可惜身邊經理人Kim即拒絕。她早前被發現和黃曉明在上海密會，Baby即說：「冇咁嘅事，啲牌子炒作啫，我冇見過佢，冇食過飯。」不過提到黃曉明講過個個男人都鍾意Baby，她都識做說：「個個女仔都鍾意黃曉明，我都鍾意o架。」
問Baby生日可會與舊愛陳偉霆慶祝？她即說：「朋友咋，佢都冇話要嚟，佢嚟我都唔會唔畀。」陳偉霆前晚出席活動時就冷對Baby生日，表明不會到賀不會送禮物，對Baby和黃曉明緋聞更冇興趣，他說：「今日傳呢個聽日傳嗰個，寧願唔睇。」
from:
http://hk.apple.nextmedia ... art_id=13770103
