動漫Maggie李曼筠與第三代咪神之一的沈卓盈昨日出席《大埔超級城古董婚嫁展慶元宵》，雙雙以性感look示人。
李曼筠自認有顆恨嫁的心，她說：「我恨嫁，但唔恨拍拖，擇偶條件要為人正直、有愛心，（要有錢？）男人有錢就身痕，不過冇錢都身痕，最好經濟獨立。第時結婚我要跟足傳統，（唔接受奉子成婚？）最好先婚後子，行禮會着番傳統裙褂，尊重長輩，性感裙褂留番影結婚相着。（婚後至洞房？）好耐冇聽過呢個字眼，到時睇吓點喇！」
沈卓盈簽新經理人
沈卓盈則說：「我唔恨嫁，想專注事業，（被封第三代咪神乘勝追擊？）唔係，可以同其他靚女並列好開心。（轉行性感接徐淑敏棒做咪神？）唔好咁講，不過我早排簽咗新經理人，又冇再做兒童節目，想轉變吓，擺脫大姐姐形象，而我早排至同徐淑敏行街，仲買咗啲禮物送畀佢個ＢＢ。」
