08年亞姐冠軍姚佳雯樣靚身材正，有足夠實力火併一眾o靚模，新一年她希望工作增多，姚佳雯說：「希望事業可以更上一層樓，感情方面就繼續穩定，都已經拍拖3年。」雖然已經有男朋友，姚佳雯仍然希望行個桃花運，她說：「呢行要有人緣，所以都希望行桃花運，唔使有人追，唔想係桃花劫。」
另外，08年亞軍顏子菲口齒伶俐，平易近人，屬虎的她今年犯太歲。
顏子菲說：「好多人話要小心，真係未過年已經應驗，雖然我係天主教徒，但係都唔到我唔信，我好少病，之前去惠州拍旅遊節目就食物中毒，病到得番半條人命，最希望今年可以身體健康，可能叫朋友帶我去拜太歲。」
from:
http://hk.apple.nextmedia ... art_id=13756283
