楊怡虎年心急搵伴

踏入虎年，楊怡於昨日正式開工，為節目《星級廚房》錄影，向現場記者及工作人員大派利是，喜氣洋洋。阿怡表示：「由年初一開始放，難得年三十晚唔使開工，所以都有出去訂枱同媽咪食飯。（年初一兼情人節點過？）情人節冇出去呀，費事畀人影到冇情人陪！」問到其緋聞男友黎諾懿有否約她時，阿怡坦言：「有呀，新年期間成班朋友上咗嚟我屋企玩。（佢有冇送情人節禮物？）咁老套！就算真係鍾意都唔送啦，講笑啫！」

記者又問到阿怡可希望在明年的情人節有個男朋友相伴？她笑言：「係快嘅希望唔使等到下年啦，今年桃花幾強，遇到都唔拘！」