曾志偉為尹佬辦追思會

身為尹志強好友的曾志偉，昨晚到尖沙嘴出席電影《72家租客》飯局，他也首度開腔談到好友離世。志偉在現場宣佈尹佬遺體在約兩個鐘頭前已經火化，他坦認儀式後才收到通知，志偉解釋：「呢個都係尹佬心願，佢想快啲，同埋唔想麻煩人。」現在各人着手籌備尹佬的追思會，接着這幾天會開會商討，志偉透露米雪也會參與，初步估計過了新十五才會舉行。

志偉表示於過年前曾見尹佬最後一面，當時尹佬已經停藥及要求返屋企，他說：「尹佬叫咗約7至8個朋友去見佢，當中有我同阿倫（譚詠麟），大家有單獨同尹佬相處一段時間，當時尹佬已睇唔到嘢同講唔到說話，但我哋都同佢講晒心中嘅說話，大家用力握住對方隻手，希望佢好安樂。」志偉坦言有段時間尹佬為免朋友擔心，拒絕見人，只肯見米雪，最後他不忘大讚故友是真漢子，多年來努力與病魔對抗，如今對他來說也是解脫，故志偉未有流過一滴眼淚。