虎年年初一適逢是情人節，與樂隊Mr.鼓手Tom傳緋聞的Evelyn卻表示只會陪家人過節，即被身旁的Anjaylia踢爆真相，指其男友因為要開工。而沒有男友的Anjaylia則說最好唔使自己諗節目。
o靚模陳嘉寶（Anjaylia）、蔡穎恩（Evelyn）、何思諺（Leanne）及林穎彤（彤彤），齊齊於奧海城向老虎仔拜年。今年年初一同樣是情人節，雖然她們聲稱沒有戀人相伴，但一見到在場的老虎仔都忍不住嚷着要摸摸一沾好運。
爆Evelyn口不對心與老虎仔坐情侶咖啡杯的Evelyn雖然與Mr.鼓手Tom傳緋聞，但當問到她如何度過年初一時，她說：「初一逗得最多利是，梗係陪家人過節啦！」可惜被身旁的Anjaylia踢爆她的「好朋友」因有工作在身而不能相陪，Anjaylia又笑說：「太好彩喇，今年年初一又撞啱情人節，唔使幫自己諗節目，對單身嘅我嚟講係好事！」
買鞋洗頭係禁忌「陽光少女」Leanne及《大廚出馬》助手彤彤雖是「八十後」少女，但她們仍乖乖地跟足傳統習俗過節。最愛買鞋的彤彤說：「每逢年三十晚屋企人都會偷偷放利是喺我枕頭底，雖然佢哋嗰封利是最大，但就偏偏唔畀我新年頭一個月買鞋，話『鞋鞋聲』唔好喎。」而剛剛剪了短髮的Leanne說：「媽咪都叫我初一到初三唔好喺屋企洗頭，佢話會洗走晒啲好運，如果真係頂唔順就要去髮型屋。」
