今日大年初一撞正情人節，雙重意義，也是難得一遇。熱戀中的向佐與黃婉佩（Race）湊湊熱鬧，向佐大方公開與Race的戀情及相識經過，二人更一起炮製甜心朱古力，慶祝拍拖第一個情人節，恩愛得羨煞旁人。
向佐是中國星老闆向華強長子，入行5年，鮮有談及感情事。承認與Race拍拖後，拍拖短短約一年，向佐已帶女友見家長，感情打風都打唔甩。訪問當日，Race帶了為男友親手焗製的蛋糕，爭取時間享受溫馨的下午茶。
向佐接受訪問時，大方透露與Race的相識經過，向佐說：「年幾前，我陪安志杰去alive嘅活動，點知撞到佢（Race），佢好似男仔咁，好豪爽走嚟同我握手，我都呆咗，之後我返轉頭同佢攞電話。」身旁的Race即嬌嗲說：「係佢呃我。」向佐笑說：「我同佢講我就快拍MV，想搵佢做我MV女主角，但其實首歌都未錄。之後就開始約出街，上個情人節，我仲追緊佢。」
向佐坦言喜歡Race性格乖又孝順，他說：「佢喺物質冇乜要求，感覺簡單啲，冇咁複雜，同我媽咪又溝通得好好，每次拍拖，感情穩定就會帶返屋企。」向佐表示公開戀情，是希望外界不會再猜測和追訪，可以讓他們專心工作及減輕壓力。
Race憶述第一次見向華強，心情非常緊張，她說：「向生外表好有威嚴，認識後，就知道佢哋都好nice。」向佐坦言年輕時也愛夜蒲，但現時有了穩定女友，享受與女友在家看電視。二人有否結婚計劃？向佐說：「我想事業穩定啲，夠使先結婚，我想靠自己，唔靠屋企。」向佐更直言未打算做爸爸的接班人。
from:
http://hk.apple.nextmedia ... art_id=13730034
