蘇永康前晚與吳雨霏（Kary）在音樂會上合唱，他竟出言挑逗小師妹，合唱英文歌後竟謂歌詞有「make love」二字，算是性騷擾，嚇得Kary以大笑來掩飾尷尬，並謂專業歌手不會亂想，但康仔竟說自己無法抽離，完全不怕女友知道會扭他耳仔。
草蜢、蘇永康及吳雨霏前晚在會展演出《冧歌勁舞閃鑽夜》，各自大唱經典歌，後來輪到康仔與Kary合唱，康仔說：「我第一次同Kary合唱係08年我演唱會時，當時大家唔熟好生硬，但頭先我同佢有身體接觸。」
Kary即笑說：「捉下手仔咋喎。」康仔續謂：「我唔慣同80後嘅人咁樣。」
撐梁漢文走人有理
二人唱罷一曲《Tonight I Celebrate My Love For You》後，康仔竟對Kary謂：「我細心咀嚼歌詞後，你有足夠證據起訴我性騷擾，如果我哋唔熟嘅話，因為有一句係講make love。」Kary聞言即爆笑，並稱：「我哋係專業歌手。」康仔有所暗示的說：「我投入到差啲抽唔到身出嚟。」
事後康仔接受訪問，大讚Kary演出水準很好，談到與有鄧走音之稱的鄧麗欣（Stephy）比較如何？康仔說：「Stephy係玉女，似周慧敏，每個歌手都唔應該走音，應盡自己責任。」康仔表示他剛演出也有走音，他說：「時下好易俾人批走音，好似我鍾意嘅謝安琪咁，我唔係鼓勵大家走音，但人係冇完美。」談到好友梁漢文早前在恩平登台遇酒客衝突，他落荒而逃，康仔說：「當時台下好混亂，走係正常，佢啱啱娶咗老婆又想生仔，佢已做到歌手嘅專業態度。」
from:
http://hk.apple.nextmedia ... art_id=13722966
