陳法拉和名模諸葛梓岐的罵戰愈趨白熱化，兩人繼續各自發功。諸葛獲男友薛嘉麟首度開腔力撐：「誤會一場，唔好將件事抹黑！」更謂事件不會拖拉過年。諸葛接受訪問時表示結婚絕不會鬼祟！
昨日，本報聯絡上薛嘉麟，他為維護女友首度開腔，對諸葛投以信任票，他說：「我當然信任佢，成件事係一場誤會，當中好多誤解，希望呢啲誤解唔好帶過年！（有冇向哥哥薛世恒同法拉解釋誤會？）冇需要，我明白大部分都係傳媒嘅工作，希望牛年過去，虎年虎虎生威。（咁哥哥同法拉有冇向你了解？）成件事係誤會，總之唔好將件事抹黑。」談到會否擔心事件節外生枝？薛嘉麟說：「唔覺得會，亦都冇嘢會節外生枝，事件唔會拖拉好耐。」不過，當被問到法拉與媽咪的關係時，他刻意避談。問其母有否因而感不開心？他護老心切，不欲多提老人家，僅說：「過年最緊要開心。」
本報再聯絡諸葛，她就事件完全封口，說不會再回應，以免影響別人屋企及老人家，一家人開心過年最緊要。又強調日後若再被問起，也會拒絕回答。
此外，日前諸葛偕有線主播衛志豪到男友薛嘉麟旗下Neway卡拉OK接受訪問，後又移師禮服店試晚裝裙，被指與衛志豪玩結婚。問她有沒有結婚衝動？諸葛說：「結婚好大件事，唔係話結就結，不過我唔排除會閃電結婚，實會公開，冇理由鬼鬼祟祟。曾經有人向我求婚，但我覺得未係時候。（薛嘉麟向你求婚？）唔講。」
至於法拉昨日接受電話訪問時，自爆就事件跟男友薛世恒（Daniel）溝通，她說：「我同Daniel傾過，因為件事情係涉及佢。（男友有冇安撫？）希望事件快啲過！」但提到未來奶奶則不願多講，不作回應。
