馮曦妤鍾情老土男

唱作人馮曦妤最近翻唱檸檬茶廣告的主題曲《如果……陽光》，在網上成為熱爆歌曲，她笑說：「當年個廣告係伊健（鄭伊健）拍，嗰時我好細個，不過好記得囉，因為男女主角好靚，個廣告又Sweet。」新一輯廣告日本味重，所以她也特別用日本Feel去演繹。



自嘲性格內斂的曦妤在愛情上好怕醜，她笑說：「依家啲女仔好主動，但我唔會囉，只會偷偷暗戀人，（咪蝕底？）慢慢等囉。」談到擇偶條件，她笑說：「我鍾意啲傻傻地、忠厚嘅，好怕太聰明嘅男仔，仲鍾意啲男仔老土咁問我：『你可唔可以做我女朋友？』總之愈老土愈鍾意。」