曾當歌手的周永恒與趙頌茹昨日在雙方家長及親友見證下，舉行簡單而溫馨的婚禮，已改名趙梓淇的阿Yu挽着父親手臂進場，聽着Roy自彈自唱她最愛的《Wonderful Tonight》，即感動流淚，Roy也眼濕濕。
後來牧師領唱詩歌，當唱《全因為你》時，牧師說：「首歌可以反映佢哋嘅經歷。」一對新人即泣不成聲，新郎還為新娘抹眼淚，相當溫馨。之後雙方父親進行燭光儀式，二人拿着蠟燭上台燃點燭光後落台，寓意一對新人永結同心。宣讀誓詞時，牧師說：「要棄絕淫亂，單以對方為一生伴侶。」阿Yu望向老公，Roy便同意點頭，又大聲說出：「我願意。」新人交換戒指儀式時，阿Yu又喊到不能說話。關心妍、高皓正和陳思惠等圈中朋友到場觀禮，阿Yu及Roy合唱《恩典太美麗》，之後拖手步出教堂。
Roy講感想時談到為何結婚，他坦白說：「我哋拍拖6年幾，到上年11月弟兄高皓正問我有冇婚前性行為，有冇犯十誡，我當時即刻停止咗，為咗咁就好倉卒咁結婚，亦都係因為相愛咁多年，係時候結婚，我哋父母都好驚訝，以為有咗，其實唔係。」阿Yu哭着說：「好多謝大家咁錫我，體諒我，有錯嘅我會改變。」
一對新人接受訪問，談到為了不犯十誡而結婚，Roy說：「我哋同居咁多年，舊年高皓正講完我哋即刻停止咗，到家兩個幾月。」即並非拍拖開始便守十誡不做婚前性行為？他說：「冇咁慘，信主唔講大話，我都唔得，呢兩個月佢靚咗好多，大家有番初戀感覺。」阿Yu說：「之前點會冇，一齊住咁耐，所以我勸拍拖嘅人唔好咁快住，可以sweet啲。」問新郎是否很期待洞房夜？Roy說：「期待，我係血氣方剛嘅男仔，好正路。」
阿Yu謂隨時準備生兒育女，Roy說：「我可以三年抱一。」他們暫定於4月2日擺酒，Roy的叔父周啟生昨日缺席，Roy說：「佢去咗旅行，佢祝福咗我。」
