周汶錡（Kathy）前晚到元朗出席化妝師好友Alice新餐廳開幕，Kathy和黃佩霞、歐陽妙芝等齊齊大啖美食，不過Kathy事後卻頻呼不開心，原來她飲後轉場玩，卻大意丟掉手袋。她說：「好慘！我前晚拎嗰個係clutch bag，應該係跌咗喺的士度，因為個clutch細細個，我又要拎褸又要找錢，拎漏咗定跌咗都唔知，好唔開心。」
問Kathy是否損失慘重？她說：「唔係，入面得千幾蚊，但我唔見咗身份證，好唔方便，仲有credit card、鎖匙，嗰晚已經無門口入。」她續說：「希望有心人，執到或者發現我嘅身份證，可以畀番我，因為好有紀念價值，跟咗我好耐，搞到我成晚都瞓唔安、食唔落。」
