汪圓圓與何傲兒前晚在銅鑼灣練習中樂樂器，為下周於又一城的農曆新年活動作準備。圓圓透露將會以楊貴妃造型演奏古箏，她說：「已經睇過啲劇集，知道要豐滿一啲，不過上鏡自然肥10磅，都唔擔心。」她又謂擁有10級鋼琴造詣，她說：「古箏同彈鋼琴有啲相似，之前都接觸過古箏，不過都冇玩5年，要補堂。」
問單身的圓圓如何慶祝情人節及新年，她笑說：「好彩都唔會好lonely，因為係年初一，可以同屋企人過，加上家姐買咗隻狗仔，叫Rocky，佢暫時係我情人。」
何傲兒則要扮王昭君彈琵琶，她笑說：「喺屋企拎番爹哋封咗塵嘅結他學住先，彈到手指都好痛，會叫媽咪煲吓雞腳湯補吓。」
from:
http://hk.apple.nextmedia ... art_id=13671102
