方力申冇帶女星搵茅山師傅

方力申冇帶女星搵茅山師傅方力申昨日與緋聞女友鄧麗欣、吳雨霏（Kary）及小肥出席手機活動，小方被追問藉「性交轉運」的茅山師傅歐陽國富日前被判入獄的感想時，大方承認認識對方：「我只想講，我從來冇試過搵師傅改運同轉運，亦都冇介紹過畀人。（點認識？）細節唔多講。」對於有傳他曾帶圈中女星搵茅山師傅？小方重申說：「唔想再答，只想講從來冇帶任何人去轉運。（有冇幫茅山師傅寫求情信？）冇。」

Kary則強調不認識茅山師傅，並直指判刑太輕，她說：「覺得佢嘅行為好離譜，感覺呃女仔。」而小肥被司儀森美踢爆有心儀對象時面露尷尬表情，事後爆料稱正努力追求心儀對象，對方亦不是圈中人。