關詠荷和張家輝近日被指豪擲20萬元做人工受孕追仔，前晚關詠荷出席飯局時，坦言會小別娛樂圈，但否認接受人工受孕。對於家輝被指買男性補藥補身時，關詠荷力撐老公性能力完全沒問題，指老公只是注重健康調理身體，還笑言女人也要keep。
關詠荷、郭晉安、楊秀惠、米雪、伍衞國和HotCha的張惠雅（Regen）等，前晚到尖沙嘴出席無綫劇集《五味人生》的「喜慶相逢賀團圓」飯局，並由梁烈唯擔任司儀與台前幕後大玩遊戲，當他邀請Regen上台介紹自己時，Regen竟說：「我原本叫張惠儀，不過公司話係（指張慧儀）三級女星，所以叫我改名。」身旁的梁烈唯即糾正指張慧儀應是性感女星
最近有報道指現年45歲的關詠荷有意收山，並指其夫張家輝豪擲20萬讓她接受人工受孕追仔，前晚關詠荷強調不會封自己後路，並指自己十分鍾意工作，最多只是小別，不會永別。至於人工受孕，關詠荷說：「唔使，冇搞過。我睇報紙話見到張家輝去調理身體，係關於性能力嘅嘢，佢咁大個人，工作有時心力交瘁，所以需要補養身體，加上佢又有地中海貧血，要調理吓，唔係點養成頭家。」
問到家輝的性能力是否有問題時，關詠荷即反應頗大地說：「梗係唔係，只不過趁冇事時調理，注重吓身體健康，唔好增加個女將來嘅負擔，我自己都有keep，女人一定要，我老公都鍾意我靚o架。」
昨日張家輝到鰂魚涌接受uChannel頒發的2009年度風雲人物獎，提到買藥補身一事時，他說：「其實我一有時間就會調理身體，寫嗰個唔知啫，我捱更抵夜咁多年，唔使入電又唔使用煤氣，家就係食啲幫助放鬆精神同睡眠嘅藥，唔使開工就執返7、8日藥囉，又唔係買大麻。」對於太太力證他「性」能良好，他說：「我係一個正常、健康嘅人，可能因為佢有劇上啦，大家跟佢好喇，唔好跟我。」
from:
http://hk.apple.nextmedia ... art_id=13651438
