sis...千萬唔好去呀~
我之前唔記得左參加d咩抽獎,中左個mtm facial coupon,份獎品號稱值成$1800 一次,本來滿懷希望去,諗住試下d好野,因為比起平時我做果幾百銀果d,我諗住會有唔同喇~
點知,一去到,就話同我做個皮膚分析,配番d岩我用既產品做facial ,除左填個人info之外,重要我做一份成5頁紙既問卷
,由個BA一題一題咁問我,真係我全個人都比佢問哂,又SELL佢地既產品,勁話我用緊既野唔好,叫我唔好再用,足足做左25分鐘
~
好喇,以為入房做FACIAL之後,就可以安靜D喇,點知個BA又係重新問過我平時用開D咩(因為轉左人做FACIAL ),都係勁SELL佢地D野好用等等喇,中間只係FU MASK 果10分鐘,佢地出左去,我可以唔使再講野,休息下...
其他時間真係NON STOP ,不停同我扮FD,扮哂教我野,叫我唔好再用我而家用緊既產品
最誇張係我用開BOBBI BROWN CLEANSING OIL 落妝,佢竟然同我講"唔怪之得你個額頭咁多暗粒仔喇,原來你用油黎落妝"佢話油用水洗係唔會洗得哂架,會黏住係我D毛孔中間,阻礙D空氣喎,所以我至有暗粒..
(根本唔關事囉,我好細個已經開始有暗粒,果時根本唔化妝,唔通又關BOBBI BROWN 事)
跟住佢就話佢自己好小生暗粒,佢不嬲都用開公司D"咩咩咩"....一支大大支,可以用到成個幾月,好抵用咁話,因為佢地公司係為每一個客人特別調配等等...
基本上成個FACIAL都係咁....好辛苦做完FACIAL之後,出去重要見個BA再比佢"跟進"我既情況喎,又SELL多20分鐘,前前後後,我終於做左2個幾鐘,真係辛苦到暈,以後我決定送都唔去呀~
