出道以來緋聞不絕的鍾欣桐（阿嬌），最近拍攝電影《前度》時與同片男主角向佐傳出緋聞，有報道指阿嬌狂傳靚相和短訊冧他，成功從黃婉佩（Race）手上搶走向佐。
對於被指與阿嬌撻着，向佐所屬中國星發言人李小姐說：「乜部戲咁早做宣傳？都未拍晒，如果係點會影唔到相，佢哋係拍戲做情侶，實際就冇過電，以我所知向佐同Race嘅感情家好穩定。」
阿嬌的經理人霍汶希就斬釘截鐵回應：「阿嬌同向佐真係冇嘢，阿嬌對人好熱誠，好多時會發短訊同將拍戲嘅相電郵畀大家分享，我會勸佢以後唔好咁熱情，收斂一下，無謂搞出不必要嘅誤會。」
此外，今日牛一的阿嬌日前與過百fans提早慶祝生日，並狂收fans的米奇老鼠禮物和生日蛋糕。
