08年落選亞姐袁小曼，選美場上未能坐正，但她在情場上卻成大贏家，成功俘虜地產代理界的「鑽石王老五」廖偉強！日前兩人十指緊扣逛名店，煙韌得旁若無人，人前人後都以「老公仔、老婆仔」相稱，可見小曼已疊埋心水做少奶奶。
擁有35D上圍的袁小曼，身材出眾，27歲的她去年邂逅48歲地產代理CEO廖偉強，二人一撻即着，不足一年已甜蜜得以老公仔和老婆仔相稱。廖氏雖日理萬機，但每逢空檔，都會到小曼工作地點探班，甚至用價值逾百萬名車接送女友出入，眾亞姐及工作人員無不羨慕小曼執到「筍盤」。據知，原本今年年中約滿亞視的小曼，將不再續約，準備疊埋心水做廖太，與她相熟的同屆亞姐姚佳雯等都恭喜她。
移居北角豪宅本與母親同住於將軍澳的小曼，最近已搬到北角豪宅居住，足證男方對伊人愛護有加；男方亦常施展外母政策，每逢時節，都跟小曼齊齊返將軍澳家飯聚，袁母為此開心不已，對這名「準女婿」信心十足。
上周六，小曼與廖偉強在尖沙咀名店區拍拖行街，期間發現兩人除十指緊扣外，女方一時煙韌翹實男友手，大送波餅，一時又輕搭男友肩膊，而男方亦輕擁女友纖腰，愛得相當癡纏。兩人在尖沙咀行了多間名店後，小曼終覓得心頭好，廖偉強即大顯男士風度，除碌卡買了一對MiuMiu鞋送女友外，更為女友拿着戰利品，然後煙韌步往停車場取車，沿途有講有笑，令小曼面露冧樣，廖偉強更細心地為女友開車門，體貼入微。
不習慣被追訪記者事後聯絡上小曼，她與廖偉強「糖黐豆」般齊齊回應記者，先是廖偉強發表愛的宣言，聲稱小曼是他的最愛，更指二人雖有年齡差距，但並無代溝，又大讚女友為人純品，有一見如故之感，即使小曼曾因王維基而鬧出風波也欣然接受，並大方說：「過去咗嘅嘢唔緊要啦！但就唔太習慣被傳媒追訪，因為我一向都低調。」而小曼得知男友大讚後冧爆，還向男友大派定心丸，強調最愛成熟男人：「我老公仔好有才華、有成就又夠成熟，咁先照顧到我，我又可以小鳥依人，我屋企人都好鍾意佢！」恩愛之情羨煞旁人！
地產界投資王現年48歲的廖偉強，中學畢業後，曾任文員、推銷員等，87年加入地產代理公司，用了十年時間，躍升為地產公司董事之一，01年獲公司大老闆賞識，派往分區公司，負責重整工作，08年升任為董事總經理。他深諳地產投資之道，曾買入凱旋門、嘉亨灣等物業，並已獲利離場，04年則以1,280萬購入貝沙灣豪宅，物業現已升值，足證投資眼光。
警鐘胸夠深刻擁有35D、23、34驕人身材的袁小曼，擁有大學學歷，並曾任空姐。她在08年以梗頸四飲恨亞姐選舉，但以一對「警鐘胸」早令人留下深刻印象。簽約亞視後，其工作量不算太多，現時主力主持《時尚生活Guide》。論入行以來人氣最盛，要算08年12月，當時亞視行政總裁王維基問她的一句：「你個波係咪假㗎？」頓時令她廣受注意。
