熊黛林昨日在金鐘為西班牙名牌Loewe示範全新軟皮Napa系列，她穿上2010年新季低胸露背春裝，谷胸升cup，令人嘩然。熊黛林直認身材勁，她說：「都覺得勁，好靚！着呢條裙都嘥咗少少時間，做嘢OK，頭先行嚟時都要着外套。」
問Lynn怎樣變成警鐘胸？她說：「係條裙細咗一個size，先至有咁澎湃嘅身材。」是否挑戰Jessica C.？她聞言說：「我唔需要挑戰囉，係件衫細咗，先有push up效果。」問可是由C cup升到E cup，她說：「冇咁誇。」那麼B升到D？她說：「唔答喇。」
問Lynn到底城城喜歡她A,B,C,D,E哪一cup？Lynn即害羞說：「唔好意思問男仔呢問題。」她謂自己心水是B cup，因為人高，感覺勻稱一點。有記者讚她真材實料，Lynn說：「唔敢當，今次係2010年喺香港第一個job。」
提起早前聖誕節，Lynn透露和大班朋友慶祝，城城曾謂收到她送的朱古力，Lynn卻說：「冇送喎。」不過她謂跟很多人交換了禮物，部份禮物是日日用到，但她否認是內衣褲。
