電影《綫人》昨日於尖沙嘴舉行煞科儀式，眾演員、導演與電影公司老闆楊受成一同開香檳慶祝。影帝家輝與霆鋒提到拍攝時弄得滿身傷痛，霆鋒說：「基本嘢嚟，拍打戲梗會有，冇可能會覺得好舒服。」家輝笑說：「尤其佢係動作巨星，唔顧命咁演出，好似《十月圍城》都一致好評，今次合作都怕咗佢。」
問到霆鋒與桂綸鎂的一場床戲被改為溫和得多的濕吻戲時，他說：「少少親熱啦，喺大家商量之下，咁樣最恰當。」家輝又即搶答說：「乜嘢尺度呀咁？係咪飲啖水濕咗個口然後再吻呀？唉，睇你唔出，跳樓你又敢，拍親熱戲你就嗌救命。」霆鋒說：「我未適應呢種演法，跳樓就係一個人嘅事。」
問到奪得多個影帝獎項的家輝會否要求電影公司加片酬時，他說：「唔係拎住個獎就可以嗌加價，無形中咪變生財工具？」霆鋒被問到太太張栢芝腹中所懷的是男或女時說：「醫生唔肯講，但係如果下星期都唔講，老婆就會發脾氣喇，但係家好多醫生都係咁，唔肯定都唔會講住。」
桂綸鎂逛老蘭
至於女主角桂綸鎂首次拍攝動作片，也是首次於香港過新年，她說：「去年在紐約過，今年是第一次在香港過，聽說蘭桂坊很多人，不過還是會去湊一下熱鬧。」問到男友戴立忍可會來港相陪時，她說：「沒有啦，今天還是工作天，應該會約公司同事吧。」提到與霆鋒的濕吻戲份時，她說：「都是角色跟情緒需要，拍3、4次就完成了。」她又謂對打戲極有興趣，即使受傷也感過癮，她又笑稱於片中要狂打姜浩民，要拿一個米袋狂打他的頭，令他頭昏腦脹。
http://hk.apple.nextmedia ... art_id=13583142
