明天大除夕，看到國金倒數煙花的餐廳大都爆滿，想在熱鬧氣氛下倒數迎接2010年，但又不想去Time Square逼？銅鑼灣旺角都有餐廳搞倒數慶祝，並最後召集，還不快趕上尾班車舉杯暢飲！
記者：趙志雄
攝影：梁細權
Model：Algie Ng@Pure Models
旺角朗豪坊舞池派對至2am
除了尖沙嘴，相信旺角除夕晚一樣好氣氛，朗豪坊13樓的SkyBar就特地在餐廳中央劃出位置作舞池，讓大家在熱舞中歡度新年。除夕晚餐有四道菜，有湯、頭盤是煙三文魚、蟹肉配三文魚子，主菜有三款揀，除牛扒（$318）和羊鞍（$288），師傅推介香煎劍魚、卡真蝦配帆立貝伴鮮果莎莎（$298）。甜品是香濃朱古力三重奏，分別用卜卜米、朱古力truffle、慕絲蛋糕做成，味道具層次感。伴酒食物方面，飲雞尾酒的你，推介要試招牌的新鮮生蠔，由淡味易入口的澳洲Tasmania、海水味清甜的蘇格蘭Loch Fyne、最大隻啖啖creamy的英國Maldon等。想吃紅肉？黑椒牛肉粒是用美國牛的肩胛位，較西冷和肉眼少油份，但較彈牙而有咬口，師傅用芥辣醬、洋葱、黑椒醃製入味，佐酒一流。如果飲啤酒，可選香口炸物或烘麪包，餐廳有英式炸魚薯條伴他他汁、炸香蒜辣雞翼、一口多士、香煎半生熟吞拿魚等。除夕晚餐現有八成已被訂枱，不過食客亦可在十時後加入舞池派對，最低消費一百元，直至2am。餐廳亦有桌球枱、飛鏢射靶、和now球賽播放電視等娛樂。
香煎劍魚、卡真蝦配帆立貝伴鮮果莎莎
劍魚柳輕煎兩邊，下鹽吊出原味，卡真蝦長身多肉。
香濃朱古力三重奏
頂層truffle，底層朱古力碎卜卜米，中間慕絲蛋糕creamy，三重口感。
(左)Endless Love$58紅莓汁加草莓汁再混梳打水，無酒精。
(右)Secret Love$68七喜、白谷古和蜜瓜甜酒，清甜果酸味。
生蠔拼盤
（右起）澳洲Tasmania$22
蘇格蘭Loch Fyne$30
英國Maldon$36
黑椒牛肉粒$75
用芥辣醬、洋葱、黑椒醃製美國牛肉粒，一口一件，粗糙有嚼勁，伴濃酒味雞尾酒很夾。
The Sky Bar（3514 4448）
旺角亞皆老街8號朗豪坊13樓1號舖
銅鑼灣食街飄氣球鋸400日穀飼牛
銅鑼灣有食街之稱的加寧街一帶每逢節日皆自成一國，甚有氣氛，食街多間餐廳都有搞倒數慶祝，唱歌、魔術等表演、爆穀攤位，街客行過都可參與，一齊倒數。而街頭的Mr.SteakGrill到時亦會放氣球倒數，除夕大餐賣$628，當然不少得招牌靚牛肉，有七道菜，除頭盤、甜品、湯，還有阿拉斯加蟹爪和北海道銀鱈魚，主菜推介400日穀飼牛柳，比一般百多日的穀飼牛肉濃味得多，建議最好七成熟，入面肉汁豐滿，外面脆身又煙韌。若餐廳除夕晚室內fullbooking，室外露天座位亦可讓食客飲酒倒數，玩至1am。伴酒食物有十多款，意式炸魷魚圈、法式香草焗田螺等，記者推介意式薄生牛肉，薄切牛肉灑上黑胡椒粒和橄欖油，非常惹味開胃，令人更想飲杯辛辣的酒，牛肉上的雜菜沾了黑醋和西柚汁，甜中帶清新。
意式薄生牛肉$88
橄欖油和黑胡椒粒吊出牛肉鮮，黑醋和西柚汁混雜菜尤其令人酒癮大發。
法式香草焗田螺$58（半打）
田螺焗得軟腍，但最搶味反而是夾着一起吃的薯茸，有濃濃芝士味。
燒鴨巴甸400日穀飼免翁牛柳配海鮮汁意大利飯
牛柳肉汁味較濃，意大利飯特意煮得乾身不黏稠。
Mr.Steak Grill（2802 1128）
銅鑼灣加寧街5-7號C&D地舖
Last Call$298企睇煙花酒會
想睇IFC除夕倒數煙花，尖沙嘴一帶餐廳大都fullbooking，其實遠一點的紅磡亦可見到煙花和「幻彩詠香江」滙演。都會海逸酒店20樓的空中花園，平日不開放，只招待in houseguest，除夕晚將對外開放和搞倒數雞尾酒會，每位$298，只設企位，由10pm-1am，包兩杯飲品及十多款自助小食，如泰式扒蝦餅、巴馬火腿、酥皮焗田螺等。Last call，及早訂位。
雜椒薯皮
薯皮焗得香脆，挖空部份塗上芝士，再灑上雜椒碎。
酥皮焗田螺
田螺釀入酥皮餅撻中，內裏藏了洋葱和蒜茸做的巴黎汁，外面的荷蘭汁蛋黃味香濃。
Sapphire
主要成份氈酒和檸檬汁，重果甜味而清新。
Singapore Sling
有梳打水、氈酒和紅糖水，少酸而解渴，啱女士飲。
空中花園（3160 6880）
紅磡都會道7號都會海逸酒店20樓
from:
http://hk.apple.nextmedia ... art_id=13574339
