崔建邦涉嫌毆打o靚模女友鄺敏慧被警方拘捕，事發後他一直潛水避傳媒，鄺敏慧指被對方用鉸剪腳箝頸差點窒息，碰撞期間，她四肢都留有瘀痕，昨日仍留在家中休息，未有外出。
記者昨日致電鄺敏慧問身體傷勢，她氣若游絲說：「多謝關心，我仲係好痛，家仲食緊藥。」所屬經理人公司的陳小姐前日指聖誕後才會安排鄺敏慧開工，鄺敏慧說：「我未知，家情緒仲未ready，工作嘅嘢要問番經理人。」唐詩詠言語間暗示鄺敏慧博宣傳，鄺敏慧說：「我唔方便講，唔好意思。」
無綫雖接獲觀眾投訴，但今晚會如常播出崔建邦事發前錄影的節目《娛樂十大奇案》。鄺敏慧公開表示8月29日開始跟崔建邦拍拖，但近日卻被揭他9月中才跟唐詩詠分手，崔建邦原來一腳踏兩船，他昨日繼續避記者電話。唐詩詠昨日則在電話說：「以前嘅嘢唔想講啦。」可有聯絡崔建邦，她說：「我呢幾日都冇聯絡佢。」
