高海寧教路防平安夜失身

34D新咪神高海寧近日成為性感icon，對於坊間流傳明日平安夜失身夜，故此高媽媽必定實女兒及教路防失身，所以她從未驚過。

高海寧日前在將軍澳接受訪問時說：「我好少出夜街，聖誕同除夕兩晚，媽咪會畀我揀一日出去同朋友倒數，大概凌晨12點媽咪就電話到，『倒數完啦，同我即刻返屋企！』跟住佢會喺屋企附近接我。」
提到平安夜會發生少女失身個案，高海寧表示：「阿媽有教我，出去同朋友唱K乜都好，去完洗手間返嚟，杯嘢就唔好飲，就算紙包飲品都唔好，驚有人用針筒打啲嘢落去，同埋唔好同陌生人去玩，咁會安全啲。」