跟家人移居美國多年，並在美國樂壇發展後回流返港、有「亞洲版Beyonce」之稱的劉晨芝（Adrienne），已有近十年沒有在港過聖誕，而今年則跟朋友留港度佳節。Adrienne表示多年來都在工作中度過聖誕及除夕，深刻的是有一年跟男朋友在加勒比海過節。「我好怕凍，喺美國冰天雪地都幾辛苦，當時去加勒比海過聖誕真係好開心，因為可以曬太陽。」
頸綁蝴蝶結Adrienne笑言買聖誕禮物的確傷腦筋，「有次我飛去第二度做嘢過節，男友特登畀驚喜飛過嚟陪我，我安排咗燭光晚餐同埋用絲帶綁喺頸度，當自己係禮物送畀佢。」說得甜絲絲，可惜已是往日情，Adrienne坦言現在單身，要孤獨過聖誕。「哈！我都想快啲搵番個陪我！比較起外國男士，我覺得香港男士都幾好幾細心。」
身為側田緋聞女友，她直言兩人是好朋友，聖誕節要看情況才知會否相約一齊玩，她更表示忙於置裝：「遲啲我要行格林美頒獎禮紅地氈，係第五次行，依家揀衫都揀到頭痛！」
