力爭上游的o靚模掌門楊穎（Angelababy），雖然唔似同門師姐熊黛林可以做天王嫂，依然mark住男友William（陳偉霆），地上地下同居，保持見報率。
最近楊穎同熊黛林齊齊演出賀歲片《花田囍事2010》，與鄭中基在戲中攞正牌做情侶。眼見太子基有財有勢，加上對方對自己又嗒晒糖，Angelababy懶理太子基早有阿Sa（蔡卓妍），施展國產美少女本色，向對方發功。
兩人背住自己的另一半一拍即合，暗交成個月，四角關係，一觸即發。
由o靚界踩界做埋演員的楊穎，拍住同門師姐熊黛林，參演賀歲片《花田囍事2010》，成功踩入影圈，Angelababy鏡頭前挖鼻唔怕被醜化，黃百鳴即出聲力讚，仲話要捧她做第二個「張栢芝」。
搞掂老闆的同時，Angelababy亦吼住金牌大風太子爺鄭中基，由於戲中二人是一對，順理成章日日談情。《花》片全片在橫店拍攝，全體演員困獸鬥一個月，乾柴烈火，撻着話咁易。
據劇組工作人員說，入組初期，Angelababy不論人前人後都扮天真無知，尤其對住鄭中基，更故意扮玩得扮大方，任對方整蠱，「唔使埋位拍戲，佢兩個成日坐埋一邊，玩埋啲低能遊戲，細聲講大聲笑，係人都睇得出佢兩個乜事。不過，因為成日掛住玩，搞到唔記得對白要NG。」
鄭中基其中一招殺女技，就是玩估戲名。「有時佢哋玩估鹹濕戲名，男嘅做動作，女嘅又詐傻扮懵估唔到，跟住兩個咬耳仔咭咭笑，就算有其他演員喺度，佢哋都冇避忌。」知情者說。
掛住搞笑的鄭中基，同Baby埋位拍戲，又唔記得對白，搞到成日NG。
Sa爸幫眼
十月尾，《花》片在橫店舉行開鏡儀式，現場所見，鄭中基行到邊Angelababy都喺左近，但影大合照時鄭中基還刻意陪Angelababy企後排，將男主角中間位讓了給林子聰。
上月廿一日晚，阿Sa和William一齊搞派對慶祝，由於《花》片十一月尾才完成拍攝，鄭中基和Angelababy大條道理，未有提早返港陪另一半過生日。
本週一（十一月三十日），Angelababy在尖沙咀出席活動，透露拍戲拍得開心，還不避嫌讚鄭中基，她說：「Ronald好好人，相處得好夾，佢仲成日講笑，好似人肉笑話機。」
出埠拍戲，鞭長莫及，但你精我唔笨，阿Sa知男友花弗，早前安排Sa爸入金牌大風工作，實行裡應外合，搵老豆幫眼，绩得幾多得幾多！
導演邱禮濤跟鄭中基和林子聰傾戲時，明顯怕曬的Baby（小圖）依然死黐住Ronald。
十月尾，《花》片在橫店舉行開鏡，已經撻着的鄭中基和Baby，全程黐到實。
阿Sa和William早前一齊搞生日派對慶祝，他們的另一半鄭中基和Baby卻背住二人拍戲拍出火。
半斤八兩
04年鄭中基和阿Sa拍電影《追擊八月十五》撻着，一拍五年，但男方卻經常背住阿Sa溝女。至於入行做模特兒已跟陳偉霆拍拖的楊穎，同樣有背住男友，與男性約會。
鄭中基
05年鄭中基先與同門的Stephy鄧麗欣傳緋聞，之後與Miki楊愛瑾拍《龍咁威2》態度親暱，在慶功活動上被發現兩人手拖手，事後不忿斷正的鄭中基甚至與記者衝突。06年，鄭中基在夜場巧遇童愛玲和郭羨妮，傾得興起之際，忍唔住郁手摸童愛玲。07年，鄭中基被發現秘密約AmandaS打邊爐，可惜好事被撞破，要助手送走女方。
楊穎
跟死敵Janice Man不和的Angelababy多次獲男友William公開力撐，但自升格簽約Avex往日本發展，經常有一半時間不在港，Angelababy開始動作多多，上月被發現在日本與房祖名撐枱腳，早前又傳她與師弟JamesParry有景轟。
