Angelababy網誌露玄機失去陳偉霆

近日盛傳Angelababy與陳偉霆分手，昨日Baby突然在blog裏寫：「該失去的始終都會失去」，而William就愁爆開工，並揚言：「我諗冇時間唔開心！」
被譽為「金童玉女」的陳偉霆（William）和Baby拍拖五年，隨着人氣急升，戀情亦變得低調。近年到日本發展的Baby先後與內地型男黃曉明和鄭中基鬧緋聞，與William濃情轉淡，甚至由好朋友「降呢」做普通朋友，分手之說不脛而走。

是時候要成熟
昨日Baby在blog裏上載數張在日本和巴黎拍的街頭照，並有感而發，其中一段更寫上：「我已經不可以再做小朋友了　是時候要成熟了　是時候要學會控制自己了　該失去的始終都會失去」文章可圈可點。記者致電身在日本的Baby，問她與William是否分手？她沒直接回應，只說：「我已經去咗另一個階段，感情事唔想再講！」

拒談女友緋聞
至於平時跳跳紮的William，昨日出席荃灣廣場舉行「新城勁爆頒獎禮」拉票活動時，全程愁眉深鎖。對於分手傳聞，他例牌否認，解釋只因太疲倦，揚言近日因全情工作，與Baby幾個星期沒有聯絡。對於Baby的緋聞，他說：「我同佢保持朋友關係，一路冇變。（Baby與黃曉明傳緋聞？）報道啫，真定假佢會出嚟同大家講。（你唔想知咩？）已經冇乜，同一時間好多人同佢傳緋聞。朋友有權選擇自己嘅朋友，我唔想干涉。」他又無奈地說：「我諗冇時間唔開心！」對於頒獎禮舉行在即，他表示希望奪得四台聯頒的「卓越表現大獎」。