鄭嘉穎、楊怡、陳自瑤等前晚以盛裝出席「太子珠寶鐘錶銀禧公益慈善夜」活動，期間各人更戴上贊助商提供的過百萬首飾，貴氣逼人，而同場黎明就以慈善代表身份到場領取支票。楊怡以Deep V大露背裝上陣，但慘被陳自瑤以性感拋胸上陣搶風頭，不過楊怡人氣搭夠，更表示自己係「視後」。
楊怡自言身上佩戴的藍寶價值超過一百二十萬，故令她愛不釋手，更笑言「麗妃」的結局太慘，所以要衝落贊助商的舖頭任揀首飾，而問到她的衣着可有感到輸蝕？楊怡抵死表示：「佢哋拋胸？我都有拋背。（前面唔夠睇頭？）今期興視后，雖然我都係平常心，不過都要畀人睇多啲白滑嘅背脊，咁先係『視後』。」
轉型做熟女
在《宮心計》中演楊怡身邊侍女的陳自瑤，身穿Tube Dress谷胸示人，她自言想轉型走成熟路線，不介意性感，她謂：「今日我好性感？覺得好靚，適合場合。（搶晒主人鏡？）主人唔同我爭呢啲，各有各靚，我未係視后，惟有視前。」
此外，黃伊汶以熱褲出席活動，勁騷長腿，而她表示近期專注處理代理的手錶生意，暫無暇幕前演出。
被翻帳自責
此外，另一視后大熱鄧萃雯則獲邀擔任「第44屆工展會」的工展大使，穿着一身香港品牌的她笑謂會負責唱好香港。
在台慶頒獎禮前夕，雯女再被翻舊帳指她曾介入別人婚姻，另又指楊怡加約爭獎令她向主求助，雯女對這些新聞並不感到嬲怒，她說：「天父都唔會注重獎項嘅，叫寫嗰個去教會就知天父信啲咩，至於嗰啲舊帳都係舊聞，我都有責任，因為冇新嘢畀人寫。」
