《宮心計》昨晚大結局，全劇演員穿上古裝與觀眾齊齊收看，席間出爐金馬最佳女配角惠英紅帶來獎座，視后熱門佘詩曼、楊怡爭住沾旺氣，楊怡更揚言因劇中太奸已得到「報應」！
昨晚眾演員在愉景新城出席「贏盡滿城宮心計」活動，雖然只有少數高層撐場，但勝在有眾多觀眾助陣，佘詩曼、楊怡坦言望收視能過五十點，破韓劇《大長今》紀錄。問監製梅小青可會拍續集？她說：「《公主嫁到》咪續集囉，係《宮心計》嘅喜劇版，大部分演員都係《宮心計》嘅人。」不過據知鄭嘉穎、楊怡不在陣中。
瞓唔安、食唔落
劇中「大奸大惡」的楊怡揚言已得到「報應」，她說：「我畀狗仔隊追到走入垃圾房，對住四面牆。完咗呢個劇我要做番好人，『姚金鈴』做得太多衰嘢，報應報咗喺現實嘅我，係咁被追訪，搞到我瞓唔着、食唔落，有啲神經質。我都未試過畀咁多男人追！」她續稱因要拍另一套劇而未能拍《公主嫁到》，但加入其他人反有新鮮感。
孖嘉穎陳豪拉票
此外，惠英紅帶來金馬獎座分享喜悅，楊怡笑言：「我直情將小紅捧咗入懷！我都想睇下金馬獎獎座係點。」阿佘亦笑說：「當然要摸啦，沾旺氣喎。」另外，阿佘、楊怡在現場不但為自己「視后」向觀眾拉票，又聯同鄭嘉穎、陳豪替《宮心計》角逐「最佳劇集」拉票，認真識做。
如果您喜歡這篇文章，請按「讚」或分享給您的朋友，以示鼓勵。
