[香港] 《人車誌》印刷版停刊

金融海嘯令好多大車廠危危乎，連帶汽車雜誌都要倒下，香港版《人車誌》（Car and Driver）由2010年1月起印刷版暫時停刊，僅維持網站運作，由於《人車誌》有十幾年歷史，宣佈停刊令唔少車迷若有所失。

據講《人車誌》傳出停刊消息已有一段日子，行內人指都係成本高、廣告少所致，加上今年有新汽車雜誌出版，令競爭加劇，雖然母公司Hachette Filipacchi係巨型出版集團，但計唔掂數，惟有退下。想當年《人車誌》係第一本外國品牌港版車書，與其他土炮車書各擅勝場，如今停刊，除咗受影響員工，訂戶相信都十分緊張。