早幾日小藍去咗荃灣嘅電腦節，啲賣netbook、notebook嘅攤位最多人之外，一啲售賣RMVB播放器嘅，都有唔少人圍觀，連電腦商會都特別推介呢啲產品。參展商永佳科技搵埋美少女即場示範佢哋最新款嘅網絡播放器MyGica MP506 RMVB。
支援720P高清畫質
永佳科技負責人黃Sir話，家唔少人上網下載影片同電視節目，但一啲對電腦唔係咁熟悉嘅人有啲難度，又或者驚下載嗰陣中電腦病毒；MP506好處係內置咗網絡下載功能，用家完全毋須透過電腦，只要將寬頻網絡連線插入部機，就可以經內地家最流行嘅迅雷引擎瀏覽或搜索影片同電視節目，「用家只需要利用遙控就可以操控瀏覽、下載同播放三種功能。影片可以下載落外置硬碟。唔使開電腦，環保又慳電。」
陸Sir話，部機唔單止支援到RMVB格式，MPEG-1/2、DAT、AVI等流行格式都播到；有埋HDMI、YPbPr色差輸出，最高可支援720P高清畫質解像度顯示。部機只係賣500幾蚊，都幾抵玩。
如果您喜歡這篇文章，請按「讚」或分享給您的朋友，以示鼓勵。
