每年11月日本都會舉行「扭蛋文化祭」，你唔知、我都啱啱知！想玩唔使過日本咁破費，因為荷里活嚟緊10號起一連九日，舉辦「荷里活廣場×Bandai扭蛋日本文化祭」，絕對係香港首次。
展場內會以1,500部扭蛋機勁砌出日本神社做祭典佈景主題，11月聖誕未到、感受另類和風日本慶典，是另一番風味；會場更展出全球首部8呎高巨型扭蛋機，勁扭10"巨蛋（內有迷你模型）；蛋迷另一注目點係首度曝光「數碼高清版（DG）扭蛋系列」，塗妝仔細、超級像真，據稱精緻到可在放大鏡下睇；如非玩具狂熱分子，亦可玩糅合扭蛋的東瀛民間遊戲，例如釣扭蛋、擲扭蛋入鯉魚口及幸運扭蛋等，既新穎又特別。
荷里活廣場×Bandai扭蛋日本文化祭
日期：11月10日至18日
時間：12:00nn- 9:00pm
地點：鑽石山荷里活廣場1樓明星廣場
查詢熱線：2118 8811
