王菲在北京樂敍天倫，其前男友謝霆鋒則在港公佈喜訊，他昨日到灣仔藝術中心，與導演陳德森和動畫《喜羊羊與灰太狼》的總策劃蘇永樂出席「藝術與電影」講座。雖然主題為電影與藝術，但霆鋒卻多次提及自己的音樂理念。
「唔係孖胎」
張栢芝再度懷孕傳聞滿天飛，其夫霆鋒昨日終肯證實栢芝已有孕兩個多月。霆鋒提到即將要剃頭拍攝新片時，被記者問及會否沒時間陪栢芝生產，他說：「咁唔好嘥咗部戲吖嘛，導演應該會就我嘅，我都會抽時間陪佢。」問再做爸爸心情是否很興奮，他說：「家係明確咗啲啦。」記者再追問是否確認栢芝有喜，他即說：「唔好煩喇，係，不過唔係孖胎。因為我都俾你哋問到要返去問佢喇，仔定女就未知。」
霆鋒又提到會積極爭取時間陪愛妻，問到兒子Lucas喜歡弟弟還是妹妹時，他說：「佢係個兩歲細路仔咋。」之後他表示栢芝預產期是明年5月。
採訪：藍文浩
攝影：陳慧安
from:
http://hk.apple.nextmedia ... art_id=13369234
