偶像劇一姐陳喬恩全新一輯胸圍廣告啱啱播出街，觀眾睇完之後，大部分人認為內容「鹹」得冇道理，愈睇愈似三級片！
出事鏡頭，並唔係重複又重複大特寫陳喬恩32D好雙乳，主要係其中有一幕，講鬼仔男model「從後進攻」戴住胸圍加跌膊外套，响廚房做緊家務嘅陳喬恩。
廚房戴bra已經夠吊詭，男model仲要攬實陳喬恩用力從後「頂一頂」，令陳一姐失去重心成個人傾前，熒光幕再緊接一個胸部蕩漾大特寫。
動作、意識過分三級，討論區一人一句插完再插，指控包括：「內衣廣告有必要拍得這麼穢褻嗎」、「男主角站在後面的時候，整個感覺就很A（台灣語解：鹹濕）」，至於陳喬恩經理人就代一姐呼籲：「希望大家用健康眼光欣賞。」即係要我當《玉蒲團》係史詩式巨著啫！
廣告商話個idea係想呈現情侶間嘅甜蜜互動，冇諗過從後「頂一頂」，會令大眾有無窮幻想喎！
推車頂
跌胸深溝微張嘴，鬼仔男model攬實纖腰從後一頂，抗議同陳喬恩拍拖冇安全感。原來抗議，唔一定要掟蕉的！
震豪乳
尾段加插耍花槍環節，陳喬恩連環拍打男model，肉球不斷跳呀跳呀，其實呢個胸圍廣告，sell俾男人定女人？
相比起上一輯廣告，陳喬恩嘅D奶已經作出有限度收斂，估唔到新廣告俾人投訴三級踩界，心口多唔多肉並唔係重點。
舊
新
白歆惠愈剝愈黑
除咗陳喬恩俾人投訴，白歆惠新一輯胸圍廣告，同樣鬧出雙胞事件。
有電視迷將白歆惠嘅新廣告，攞去同中日混血女藝人福本幸子所拍嘅胸圍廣告對比，發現內容有八成相似。
其實，兩個廣告同樣响六月份拍攝，當中有冇涉及人為疏忽漏橋，廣告商認為如有雷同實屬巧合，不過，由於福本幸子嘅廣告比較早播出街，令白歆惠無辜孭住抄橋罪名。
一不離二，黑仔事件仲有另一單，首次拍劇擔正嘅白歆惠，孭飛之作《閃亮的日子》收視全仆，電視台於是搵嚟大熱劇集《光陰的故事》男主角黃騰浩客串救亡，收視即時生猛晒。唔怪得之二五爆料，有電視台高層提議搵收視福將陳怡蓉頂女主角個位，踢走白歆惠啦陰功！
8成相似
福本幸子（左圖）同白歆惠（上圖）嘅廣告，同樣以暗巷作為背景，同樣係當主角每行一步，路邊嘅街燈就會着，條橋一模一樣，仲似過容祖兒啲老翻廣告。
收視一直低開，電視台搵收視奇葩黃騰浩客串奇跡起死回生，證明白歆惠未夠料孭重飛，亦證明觀眾鍾意睇佢戴胸圍，多過睇佢戴假髮束胸扮TB。
新廣告唔扮barbie唔扮魔鬼，攝影師以燈為主題，要求白歆惠對住鏡頭拗腰提腿雙眼運功發電，簡單任務！
飛輪海膽小鵰大
下個月廿三、廿四日會响台北小巨蛋開騷嘅飛輪海，上個禮拜去攀石場做宣傳，練習一向有懼高症嘅炎亞綸，被安排同大隻吳尊，鬥快爬上八呎高山頂。吳尊馬騮上身，話咁快完成任務，炎亞綸爬到離地三呎已經腳仔軟，仲驚到雙手捉實安全帶，半天吊眼都唔敢擘大。
炎亞綸細膽，但佢嘅男性雄風就一啲都唔細，尤其係佢俾安全帶「卡」住半天吊嗰一幕，真材實料有目共睹。
因為濕身演唱會，俾台灣傳媒形容為size等同士林大肉腸嘅「神奇巨鵰」郭富城，面對住「膽小鵰大」炎亞綸，唔知邊個先係真正「大男人」呢？
（右起）汪東城、辰亦儒分量一睇就知唔及炎亞綸，至於大隻吳尊，佢醒呀！影相鬆開安全帶，等大家唔知佢有幾多斤兩。
「卡」住半天吊，炎亞綸淨係識得驚，唔知「小亞綸」响人前原形畢露！
郭富城响台灣有「神奇巨鵰」之稱，據聞佢要著住兩條肉色子彈底褲打底，製作雄風效果，炎亞綸睇嚟真材實料得多。
張韶涵自願驗毒
家醜講足三個禮拜，張韶涵前前後後取消咗59個通告，不過佢阿媽上個禮拜又爆料，話驚個女跟住密友Jenny學人吸毒。
台灣吸毒可大可小，張韶涵於是帶埋Jenny同細佬一齊參加自願驗毒計劃，報告一出，張韶涵馬上召開記者招待會，自求清白。
俾阿媽屈吸毒，又話佢自爆家醜谷新碟，張韶涵交足戲，合埋眼哽咽表現無奈，但佢同天王一樣欲谷無淚：「這（吸毒與家醜）絕對不是炒新聞！沒有人會把家務事拿出來炒。」
為咗Jenny犧牲母女關係，張韶涵繼續手指拗出唔拗入：「我對朋友感到抱歉，她（Jenny）有權利證明自己清白。」
至於有冇意思同阿媽和解，張韶涵話自己現階段好傷心：「以後的事很難說，我願意好好溝通，但需要一點時間。」
21/9
Jenny主動搵記者做訪問，澄請無靠黐攞着數，當日仲戴住自稱八卡嘅鑽戒做訪問，記者再想睇真啲，Jenny即刻收埋，唔通係假嘢！
24/9
收到驗毒報告後，張韶涵馬上召開記者會，欲谷無淚澄清：「真的沒做這件事（吸毒），對這樣的指控，真的很遺憾。」
為求清白，張韶涵乜毒都驗，搖頭丸、K仔、大麻、可卡因等等等等等，全部過關。
