咪神徐淑敏（Suki）和未婚夫黃浩（Kenny）將於下月15日在港註冊，擺足三日喜酒大宴親朋。不過結婚在即的Kenny前晚卻撇甩大肚Suki，往銅鑼灣夜會梁靖琪（Toby）蒲吧，短敍一粒鐘後他再轉場去灣仔睇拳賽，一於趁做老襯前玩到盡。
現已懷孕近3個月的25歲徐淑敏將於下月披嫁衣，與年長12載的未婚夫黃浩註冊結婚。雖然一對準新人連日忙於籌備婚事，但Kenny前晚仍可抽空大解放，撇甩Suki獨自消遣，先去蒲吧再睇拳賽，節目多籮籮。
Suki未婚夫和梁靖琪前晚在銅鑼灣齊齊蒲吧短敍一粒鐘，兩人全程雞啄唔斷。
前晚Kenny乘坐落地才兩周的36萬豐田Vellfire新車，由司機接送去銅鑼灣的一間露天酒吧，落車後他匆匆走進吧內，會合已到場霸枱的Toby及一名女友人。現場見Kenny和Toby各自點了一杯飲品，兩人全程雞啄唔斷，不時互傳紙仔密密斟又密密寫，且邊講邊笑，男方說得興起時又指手畫腳，冷落同枱的另一女友人。短敍一粒鐘後，Kenny先行離開，殿後的Toby梁靖琪負責埋單，遇記者時她尷尬而笑，問她是否擔任Suki的伴娘？她說：「唔係、唔係。」二人見面是否傾公事？她又模稜兩可地說：「係呀，傾吓偈啫。」原來Kenny夜會Toby後尚有節目，單拖殺去灣仔欣賞「國際重量級冠軍拳賽」，問到為何不見Suki時，當時他說：「費事啦，係自己鍾意睇，唔好畀佢睇呢啲嘢，呢啲咁暴力，唔好睇，最好睇書、聽音樂啦。」
婚宴擺足三日對於相約Toby梁靖琪蒲吧一事，Kenny昨日接受電話訪問時說：「我搵Toby做weddingplanner吖嘛，之前Suki都同佢傾過，話婚禮要啲乜，idea都係Suki諗，我都唔知乜嚟o架，佢鍾意乜都冇所謂，我負責畀錢。」Suki和未婚夫至下月結婚才拍拖5個月，二人奉子成婚，準新娘腹中塊肉是「老虎仔」一名。下月他們將搞三日婚宴，13日宴請朋友但地點未定；15日是註冊日及男家擺酒；17日則到女家設宴，兩家擺酒場地均是尖沙嘴凱悅酒店。兩人婚後會去澳洲、日本及馬爾代夫度蜜月，玩到1月返港後，Suki才專心安胎。此外，Kenny與Suki昨分別入稟高等法院，指控8月19日出版的《FACE》以及於8月21日出版的《新Monday》內容報道失實及誹謗，要求兩雜誌賠償，並澄清徐淑敏仍然懷孕，而黃浩是一位投資外匯及紅酒的商人，兩年內賺超過千萬元。
