Chanel時裝騷是每季巴黎時裝周的重頭戲，亦是潮人必睇的大騷之一，每年吸引不少中日台明星捧場客。今季就有潮流icon張曼玉、中田英壽及台灣視后張鈞甯齊齊睇騷。
Chanel日前於巴黎Grand Palais舉行2010春夏時裝騷，設計師在天橋上繼續搞搞新意思，為配合新一季充滿田園風味的新裝，將天橋打造成小農莊，地下又鋪滿泥草。
除了曾與郭富城傳過緋聞的台星張鈞甯外，捧場客還包括張曼玉、歌地亞雪花及中田英壽等。張鈞甯在睇騷前先到品牌的巴黎旗艦店試衫，更趁機買了一隻手錶給媽媽做中秋節禮物。
張鈞甯穿上Chanel套裝睇騷，高貴大方。
中田單拖冇癮張鈞甯表示到巴黎前先到英國探家姐，又坦言自己是品牌fans，而第一個手袋更由家姐所送。至於曼玉與中田英壽分別戴上黑超睇騷，全黑上陣的張曼玉繼續散發星味，完騷時更獲不少外國傳媒大讚其衣飾。而中田英壽的好友Amanda S.已返港，故只能隻身睇騷，一臉孤單。
