現年25歲、貌似胡杏兒嘅日本G奶AV女優蒼井空，最近同日本潮流服飾品牌合作，推出限量有佢自拍性感相嘅潮tee，呢批tee會喺台北同高雄限量各售賣100套，佢噚日以低胸打扮喺台北宣傳。蒼井空嘅樣成日俾人話同胡杏兒好似孖生姊妹，馮仁昭就覺得其實無論樣貌同身材，蒼井空都贏胡杏兒成條街。蒼井空着住大deepV造勢，佢將腰帶束高，令一對咪咪更呼之欲出。佢喺日本被封為童顏巨乳，但佢好謙虛咁話：「我已經不是小女生了，還能叫『童顏』？希望能轉型當性感姐姐！」佢話自己7年前出道被形容為童顏巨乳時就覺得好開心，但隨住年齡大咗，再聽到人咁講，就覺得唔好意思。
蒼井空唔怕失儀，喺活動上整理衣服。
蒼井空宣傳印上佢自拍性感照嘅潮tee，鬼馬又誘人。
日本AV女優蒼井空噚日去台灣宣傳，佢個樣同胡杏兒（小圖）有幾份相似，但論身材，蒼井空贏晒。
想同瑤瑤見面蒼井空仲話好想同一樣憑童顏巨乳33F暴紅嘅台灣土產郭書瑤見面，佢話：「有機會的話，想跟她見個面。」今年5月時，蒼井空喺韓國演出，當地傳媒話佢個樣似宋慧喬，佢猛話差好遠：「她很漂亮，很有魅力，希望工作上能與她看齊。」講開上年11月，佢都去過台灣行夜市，價廉物美嘅女裝同小食印象最深刻，蒼井空仲話怕今次又唔小心食多咗，打算喺飯店做仰卧起坐消腫。
