王傑準備於下月23日在紅館舉行一場名為《I'mBack》演唱會，最近在網上更發放新曲《我是一個已經過氣的歌手》，讓歌迷配合他以往的片段，剪輯成MV。昨天王傑到商台接受訪問，他表示在加拿大登台後，便回港宣傳。問到一場是否足夠，他說：「好夠喉喇！我冇諗過賺唔賺錢。佢哋（主辦商）驚賣唔到飛，睇吓到時票房係點先再決定加唔加場。」王傑說：「我有新作會放喺網度畀歌迷聽，直至有日我唔想再做呢行，就會好好做張唱片來紀念。」
拒自資出唱片
問到王傑會否於個唱上邀請嘉賓表演，他說：「請嘉賓要酬勞，有預算嘅問題。而且我喺圈中冇乜朋友，以前喺英皇，同班歌手唔熟，好少接觸。以前同過憶蓮合唱，但我冇佢聯絡方法，又唔熟，唔知點開口問合作。」在節目中，王傑透露曾有唱片公司主動謂幫他出碟，他說：「要我免費做演唱會，又要免費宣傳，自己投資，我叫佢返鄉吓執牛屎啦！」採訪、攝影：王連連
王傑表示在加拿大登台後，便回港籌備演唱會。
