趙碩之、江若琳與范姜等前晚在中環Harvey Nichols睇Repetto鞋騷，「解凍」回歸的趙碩之恢復性感，身穿一襲黑色tubedress出席。心情大好的她表示已向老闆林建名認錯，她謙虛地說：「嗰晚老闆生日擺酒，好彩戴夢夢幫我安排同老闆唱歌，自己之前一直冇留意到老闆會咁嬲，家公司仲幫我接咗部新戲做女主角。」記者提議幫師妹Yumi講好說話，她說：「我幫唔到手，會SMS安慰佢，但公司都會睇到佢細路女肯認錯，呢啲要靠佢自己。」
■趙碩之「解凍」後心情興奮，但她就堅持不會幫師妹Yumi（小圖）講好說話。
范姜逼阿B剪臍帶此外，阿B女友范姜再懷第2胎，陀B 5個月的她依然穿高跟鞋，她表示：「陀B幾個月，體重冇升到，醫生都開口鬧我，自己好注重飲食，連最愛嘅凍檸茶都戒咗。」記者問B哥會否入產房陪生B，她說：「都會入產房，今次會逼佢剪臍帶。」記者開玩笑問B哥會否怕剪完臍帶後變性冷感，她即笑笑口：「可能係呀，但我啲朋友嘅老公剪完之後仲生多兩、三個。」問到范姜何時與B哥結婚，她稱：「如果未有呢胎，都會計劃吓，家可能兩、三年後考慮，大仔、大女做伴郎伴娘，兩個細女做花女，到時開party大搞，畢竟都係喜事。」採訪、攝影：顏英儀
